Amerika kosmik agentligi NASA Qizil sayyora — Marsda olingan yangi fotosuratlar ketma-ketligini e’lon qildi, deb yozadi Bigmir)net. Suratlarda turli-tuman Mars manzaralari — kraterlar, qumtepalar, muzli “sallalar” va labirintlar aks etgan.
NASA’ning Mars Reconnaissance Orbiter qurilmasi 2005-yil — ushbu sayyoraga birinchi marta suv izlab jo‘nab ketganidan buyon Yerga Mars haqida ma’lumotlar yuborib turadi. Barcha suratlarni maxsus saytda ko‘rish mumkin, ayni paytda u yerda 44 mingdan ortiq tasvirlar yig‘ilgan.
Olimlar ishonch bildirishicha, suratlar Mars haqida ko‘proq narsa bilib olish uchun muhimdir. Kelajakda ularni tadqiqot qurilmalari va kosmik kemalarni qo‘ndirish uchun mos joy tanlash uchun qo‘llash mumkin bo‘ladi.
Izoh (0)