Lavrov va Kerri mintaqadagi yetakchi davlatlar vakillari ishtirokida Suriya bo‘yicha muzokaralar o‘tkazadi

Rossiya va AQSh Shveysariyaning Lozanna shahrida mintaqadagi yetakchi davlatlar ishtirokida Suriya bo‘yicha muzokaralar o‘tkazadi. Bu haqda “TASS” xabar bermoqda.

“Lavrov va Kerri o‘rtasidagi kelishuvga muvofiq, 15-oktabr, shanba kuni Lozannada Rossiya, AQSh va mintaqadagi yetakchi davlatlar tashqi ishlar vazirlari ishtirokida uchrashuv bo‘lib o‘tadi. Unda Suriyadagi tanglikni bartaraf etish uchun shart-sharoit yaratish masalalari ko‘rib chiqiladi”, — deb ma’lum qildi Rossiya TIV.

“Mintaqaviy davlatlar ishtiroki o‘ta muhim”, — deya ta’kidladi Sergey Lavrov CNN telekanaliga bergan intervyusida. — Bu Eron, Saudiya Arabistoni, Turkiya va balki Qatar bo‘lishi mumkin. Mazkur uchrashuv har tomonlama qo‘llab-quvvatlangan, biroq amalga oshirilmagan Rossiya — AQSh kelishuvida ko‘zda tutilgan tamoyillar asosida Suriya bo‘yicha muloqotni yo‘lga qo‘yishga imkon beradi deb umid qilaman”.