JCh—2018. 4-turdan keyin Eron, O‘zbekiston, Saudiya va Avstraliya Jahon Chempionatiga eng yaqin bo‘lib turibdi (video)
Rossiya—2018 yo‘lida kurash olib borayotgan Osiyoning 12 mamlakati 3-saralash bosqichining 4-turini yakunladi.
“A” guruhi peshqadami bo‘lib turgan Eron o‘z maydonida Janubiy Koreyani qabul qilib, Sardor Azmunning yagona goli evaziga muvaffaqiyat qozondi. 4 yil muqaddam ham bu termalar bir guruhdan joy olgan bo‘lib, forslar so‘nggi tur Janubiy Koreya maydonida zafar quchgan va mundial chiptasiga ega chiqqan edi.
O‘zbekiston milliy terma jamoasi esa Xitoyni 2:0 hisobida mag‘lub etib, turnir jadvalida 2-o‘ringa ko‘tarilib oldi. 15-noyabr kuni o‘zbekistonliklar guruhda uchinchi bo‘lib turgan Janubiy Koreya maydonida mehmon bo‘ladi.
Guruhdagi uchinchi bellashuvda Qatar terma jamoasi o‘zining ilk g‘alabasini qo‘lga kiritdi. Suriyaga qarshi saf tortgan qatarliklar yagona golni penaltidan urdi.
JCh—2018 Osiyo. “A” guruhi. 4-tur 11-oktabr, seshanba
O‘zbekiston — Xitoy 2:0
Gollar: Marat Bikmayev, 50 (1:0). Otabek Shukurov, 85 (2:0).Eron — Janubiy Koreya 1:0
Gol: Sardor Azmun, 25 (1:0).Qatar — Suriya 1:0
Gol: Hasan Al-Haydos, 37-pen (1:0).
“B” guruhida Saudiya Arabistoni terma jamoasi peshqadamga aylanib oldi. Bir tur avval Avstraliya bilan durang o‘ynagan saudiyalik futbolchilar, bu safar BAA darvozasiga javobsiz 3 ta gol urishga erishdi.
Avstraliya va Yaponiya termalari o‘rtasidagi o‘yinda g‘olibni aniqlab bo‘lmadi — 1:1. Mazkur durangdan keyin yaponiyalik futbolchilar xuddi Janubiy Koreya kabi guruhda uchinchi bo‘lib turibdi.
Bu zonadagi so‘nggi o‘yinda ham yirik hisob qayd etildi. Tailandga qarshi saf tortgan iroqlik futbolchilar Muhannad Abdulrahimning pokeri evaziga 4:0 hisobida zafar quchdi.
JCh—2018 Osiyo. “B” guruhi. 4-tur 11-oktabr, seshanba
Avstraliya — Yaponiya 1:1
Gollar: Genki Xaraguchi, 5 (0:1). Mile Yedinak, 52-pen (1:1).Iroq — Tailand 4:0
Gollar: Muhannad Abdulrahim, 7 (1:0). Muhannad Abdulrahim, 25 (2:0). Muhannad Abdulrahim, 87 (3:0). Muhannad Abdulrahim, 90+4 (4:0).Chetlatish: Koravit Namviset, 69 (T).Saudiya Arabistoni — BAA 3:0
Gollar: Fahad Al-Muvallad, 73 (1:0). Navaf Al-Obid, 79 (2:0). Yaxyo Ash-Shehri, 90+2 (3:0).
