2018-yili Janubiy Koreyaning Pxenchxan shahrida bo‘lib o‘tadigan qishki Olimpiadada yangi aksildoping tizimi amal qiladi. Bu haqda, Xalqaro olimpiya qo‘mitasi (XOQ) rahbari Tomas Baxning so‘zlariga tayanib, TJournal xabar bermoqda.
XOQ prezidentining so‘zlariga ko‘ra, bo‘lajak yig‘ilishda Jahon aksildoping agentligi (WADA) yangi islohotlar haqida ma’lum qiladi.
“WADA prezidenti Tomas Ridi ular yangi o‘zgarishlarga tayyor ekanini tasdiqladi. Pxenchxan–2018 Olimpiadasida yangi aksildoping tizimi bo‘ladi”, – dedi Bax.
Xalqaro olimpiya qo‘mitasi, shuningdek, WADA’ga doping-testlar bilan shug‘ullanadigan mustaqil tuzilma yaratishni tavsiya qildi. WADA ushbu taklifga hozircha hech qanday izoh bermadi.
2016-yilning sentabr oyi o‘rtalarida Fancy Bear guruhi xakerlari WADA hujjatlarini internetga joylagan edi. Unga ko‘ra, agentlik ba’zi sportchilarga doping qabul qilishga ruxsat bergani ma’lum bo‘lgandi.
Izoh (0)