O‘zbekiston milliy terma jamoasi sardori Odil Ahmedov Eronga qarshi JCh—2018 saralashi doirasidagi Toshkentdagi o‘yinda maydonga tushishi mumkin.
Futbolchining o‘yinoldi mashg‘ulotida ishtirok etgani haqida “Sports.uz” sayti xabar berdi hamda o‘z sahifasiga Ahmedovning mashg‘ulot o‘tkazayotgan suratlarini joylashtirdi.
“Championat.asia” sayti esa Rossiyaning “Krasnodar” klubi Odil Ahmedovning Eronga qarshi o‘yinda maydonga tushishiga qarshi emasligi haqida yozdi. Avvalroq futbolchining kamida bir hafta davolanishi kerakligi to‘g‘risida ma’lumotlar paydo bo‘lgandi.
O‘zbekiston va Eron o‘yini oldidan tashkil etilgan matbuot anjumanida milliy terma jamoa bosh murabbiyi Samvel Babayan Ahmedovning maydonga tushishi mumkinligi haqida aytib, uni hozircha eng ko‘p o‘ylantirayotgan jihat aynan shu ekaniga urg‘u bergandi.
Izoh (0)