KXDR raketa va yadro sinovlarini davom ettiradi, hozirda bu xavf misli ko‘rilmagan darajaga chiqdi. Yaponiya bosh vaziri Sindzo Abe BMT Bosh Assambleyasining 71-sessiyasidagi chiqishi davomida shu haqda ma’lum qildi, deya xabar beradi “TASS”.
“Shimoliy Koreya sinovlarni davom ettirishiga hech qanday shubha yo‘q. Bugungi kunga kelib ushbu tahdid oldin misli ko‘rilmagan darajaga yetdi. Biz birgalikda KXDR rejalariga barham berishimiz zarur”, — deya ta’kidladi Abe.
Eslatib o‘tamiz, 9-sentabr kuni Shimoliy Koreya o‘z tarixidagi beshinchi yadroviy sinovni o‘tkazdi. Mutaxassislarning so‘zlariga ko‘ra, bu mamlakat tarixidagi eng yirik yadroviy sinov bo‘lgan, KXDR rahbariyati esa endi yadroviy kallaklarni ballistik raketalarga o‘rnata olishini ma’lum qildi.
Janubiy Koreya harbiylarining fikricha, KXDR oktabr oyining birinchi o‘n kunligida navbatdagi yadroviy sinovlarni o‘tkazishga tayyorgarlik ko‘rayotgan bo‘lishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)