Olimpiadaning boks turnirida birinchi bo‘lgan O‘zbekiston, Paralimpiadaning dzyudosida eng yaxshi natija qayd etdi

Rio—2016 Olimpiadasining boks sport turida O‘zbekiston terma jamoasi eng yaxshi natija ko‘rsatib, birinchi o‘rinni qo‘lga kiritgandi.

Paralimpiadada esa o‘zbekistonlik dzyudochilarga teng keladigani topilmadi. Umumiy hisobda 3 ta oltin, 1 ta kumush va 6 ta bronzaga ega chiqqan o‘zbekistonlik sportchilar dzyudo bo‘yicha dunyoning eng yaxshi terma jamoasiga aylana oldi.

Mamlakat delegatsiyasi uchun Sherzod Namozov (-60 kg), O‘tkir Nig‘matov (-66 kg) va Odil Tulidabayev (+100 kg) oltin medallar olib berdi.

70 kilogrammgacha bo‘lgan sportchilar o‘rtasidagi musobaqada gilamga chiqqan Xayitjon Alimovaga kumush medal nasib qildi.

Bronzani qo‘lga kiritgan olti o‘zbekistonlik sportchi: Sevinch Salayeva (-52 kg), Tursunposhsha Nurmetova (-63 kg), Gulruh Rahimova (-70 kg), Feruz Saidov (-73 kg), Shuhrat Boboyev (-90 kg), Shirin Sharipov (-100 kg).