Si Szinpin: Xitoy Hindiston bilan birgalikda global iqtisodiyot o‘sishini rag‘batlantirish niyatida

Xitoy Hindiston bilan birgalikda global iqtisodiyot o‘sishini rag‘batlantirish niyatida. Bu haqda Si Szinpin G20 sammitida ishtirok etish uchun Xanchjouga kelgan Hindiston bosh vaziri Narendra Modi bilan uchrashuvi chog‘ida ma’lum qildi, deya xabar beradi “TASS”. 

“Xitoy tomoni Hindiston bilan ‘katta yigirmatalik’ doirasida hamkorlikni chuqurlashtirish, global iqtisod o‘sishini rag‘batlantirish va dunyo xo‘jaligini boshqarish tizimini takomillashtirishga birgalikda hissa qo‘shish niyatida”, — deya ta’kidladi Xitoy raisi. U infrastruktura qurilishi va sanoat sohalarida ikki tomonlama munosabatlar mustahkamlanishiga umid bildirdi. 

Narendra Modi Xitoy bilan aloqalar ahamiyatiga yuqori baho berdi. “Xitoy hamda Hindistoning strategik sheriklik va hamkorlikka asoslangan munosabatlari ikki davlat, mintaqa va butun dunyo uchun o‘ta muhim”, — deya ma’lum qildi bosh vazir.