Rossiya prezidenti Vladimir Putin tomonidan Rio–2016 Olimpiadasi g‘oliblariga sovg‘a qilingan BMW X6 mashinasi avtomobillarni sotish saytida sotuvga qo‘yildi, deb xabar bermoqda TJournal.
“Auto.ru” saytida Katerina ismi bilan BMW X6 sotilishini e’lon qilgan foydalanuvchi prezident sovg‘asi uchun 4 million 670 ming rubl so‘ragan. E’londa avtomobil shaxsan prezident Vladimir Putin tomonidan Rio–2016 dagi muvaffaqiyatlar uchun taqdim qilingani haqida aytilgan va mashinaning xarakteristikasi keltirilgan.
“R-Sport” bosh muharriri Vasiliy Konovning ma’lum qilishicha, Katerina mashinaning egasi hisoblanmaydi. BMW X6 sinxron suzish bo‘yicha Olimpiada chempionlaridan biriga tegishli, ammo Konov sportchi qizning ismini oshkor etmadi.
Biroz vaqt o‘tib, sotuvchi lotni saytdan olib tashladi yoki mashina sotib yuborildi. Sotuvchining ism-sharifi faqat xaridorga e’lon qilinadi.
Xabarda qayd etilishicha, mashina uchun so‘ralganidan ko‘proq pul taklif qilingan.
Izoh (0)