Shu yilning 5–21-avgust kunlari Rio-de-Janeyro shahrida o‘tkazilgan yozgi Olimpiya o‘yinlarida g‘olib va sovrindor bo‘lgan barcha rossiyalik sportchilarga BMW rusumidagi avtomobil hadya qilinadi. Bu haqda “Interfaks”ga tayanib, “RBK” xabar bermoqda.
Rossiya olimpiya terma jamoasi Rio–2016 da jami 56 ta medalni qo‘lga kiritdi, shulardan 19 tasi oltin, 18 tasi kumush va 19 tasi bronza medali.
Xabarda ma’lum qilinishicha, Olimpiada ramzlari tushirilgan avtomobillar Kreml oldiga keltirilgan. Oltin medalni qo‘lga kiritganlarga BMW X6, kumush medal egalariga BMW X4, bronza medali sohiblariga esa BMW X3 avtomobillari sovg‘a qilinadi.
25-avgust, payshanba kuni Rossiya prezidenti Vladimir Putin Kremlda olimpiyachilarni davlat mukofotlari bilan taqdirlaydi.
Izoh (0)