Gollivud aktyori Jozef Gordon-Levitt Everyday, Spectacular (Har kun ajoyib – “Daryo” tarjimasi) loyihasi uchun metroda do‘mbira chaldi. Bu haqda “Gazeta.ru” xabar bermoqda.
Gordon-Levitt metrodagi chiqishini 13-avgust, shanba kuni Facebook’dagi sahifasiga joyladi. Ayni damda videoni qariyb 3 million foydalanuvchi ko‘rdi. Aktyor aksiya aynan qayerda bo‘lib o‘tganiga aniqlik kiritmadi.
Xabarda qayd etilishicha, Gordon-Levitt musiqachi, xonanda, raqqos va boshqa ijrochilarni oddiy kundan “yorqin lahza” yaratishga chaqirdi. Bundan tashqari, aktyor o‘zi bilan ishtirok etadigan musiqachi va qo‘shiqchilarni izlayotganini ma’lum qildi.
Jozef Gordon-Levitt “Ibtido”, “Qora ritsar: Afsonaning qaytishi”, “Nafratimning 10 sababi”, “Yozning 500 kuni” va “Snouden” kabi filmlarda suratga tushgan.
Izoh (0)