Afg‘oniston g‘arbida uyushtirilgan hujum oqibatida 10 kishi hayotdan ko‘z yumdi, yana besh nafari yaralandi. Bu haqda “Sinxua” agentligiga tayanib, “TASS” xabar bermoqda.

“Sayohatchilarni tashiyotgan ikkita mikroavtobusga ertalab qurollangan kishilar hujum qildi. Natijada 10 kishi o‘ldirildi, besh nafari yaralandi”, – deya gubernator Farhod Hamidiy so‘zlaridan iqtibos keltiradi “Sinxua”.

Qayd etilishicha, bir necha kishini qutqarishga muvaffaq bo‘lindi. Hodisa yuzasidan surishtiruv ishlari boshlandi.

Sayohatchilarning fuqaroligi haqida ma’lumotlar keltirilmagan. Hozircha hech qaysi ekstremistik guruh mazkur hujum uchun javobgarlikni o‘z zimmasiga olmagan.