Mobil operatorlar 1-avgust kuni profilaktika ishlari o‘tkazilishini ma’lum qildi

1-avgust kuni soat 8:30 dan 13:30 ga qadar O‘zbekiston mobil operatorlarining SMS va internet xizmatlari vaqtinchalik ishlamaydi. Bu haqda “Gazeta.uz” xabar bermoqda.

Ovozli aloqa uzilishlarsiz ishlaydi.

Bu boradagi xabarnomalarni 29-iyul kuni Beeline va Ucell kompaniyalari rasmiy saytlariga joylashtirdi.

Har yilning 1-avgustida SMS va internet aloqasida uzilishlar yuzaga kelishi mamlakat telekommunikatsion tarmoqlarida profilaktika ishlarining olib borilishi bilan tushuntiriladi.

1-avgust kuni mamlakat oliy o‘quv yurtlarida kirish imtihonlari o‘tkaziladi.