Saudiya Arabistoni yetakchiligidagi arab koalitsiyasi Harbiy-havo kuchlarining Yaman shimolidagi aviahujumi oqibatida “Ansor Alloh” isyonchilik harakatining o‘nlab tarafdorlari o‘ldirildi. Bu haqda Al Arabiya telekanali ma’lum qildi, deya xabar bermoqda “TASS”.
Ma’lum qilinishicha, koalitsiya samolyotlarining hujumi 26-iyul, seshanba kuni tongda Saudiya Arabistonining Najran shahri yaqinidagi Yamanning chegara tumanlarida o‘tkazilgan.
Hujum o‘tgan kuni ushbu hududda Saudiya Arabistonining besh nafar harbiy xizmatchisi o‘ldirilgandan so‘ng amalga oshirildi. Qirollik IIV askarlarning halokati uchun javobgarlikni Saudiya Arabistoni hududiga o‘tishga uringan xusiylar otryadining zimmasiga yukladi.
Yamanda 2014-yilning avgustidan buyon hukumat kuchlari va shia isyonchilari o‘rtasidagi qarama-qarshiliklar davom etib kelmoqda.
Izoh (0)