Nepal bosh vaziri Kxadga Prasad Sharma Oli 24-iyul, yakshanba kuni mamlakat parlamenti tomonidan ishonchsizlik votumi e’lon qilinishidan bir necha daqiqa avval iste’foga chiqishini ma’lum qildi. Bu haqda Reuters agentligi ma’lumotiga tayanib, “TASS” xabar bermoqda.
“Men iste’foga chiqish haqidagi so‘rovnomani prezidentni yig‘ilishdan oldin uchratgan paytimda berdim”, — deya ma’lum qildi u parlamentda.
Agentlikning ma’lum qilishicha, bosh vazir iste’foga chiqishga majbur bo‘lgan, chunki u boshqargan ko‘p partiyaviy koalitsiyadagi siyosiy ittifoqchilari hukumatni tark etgan. Bunga bosh vazir tomonidan oktabr oyidagi saylovlarda g‘olib bo‘lishga yordam bergan Nepal siyosatiga ta’sir ko‘rsatish sohasidagi va’dalarini bajarmaganligi sabab bo‘ldi.
Izoh (0)