Taban Deng Gai 23-iyul, shanba kuni vaqtincha Janubiy Sudanning yangi birinchi vitse-prezidenti etib tayinlandi. Bungacha u hukumatda konlar vaziri lavozimini egallab kelayotgandi, deb xabar beradi “TASS”.
Gai oldinroq mamlakat poytaxti Jubani tark etgan avvalgi vitse-prezident Riyek Masharni almashtiradi. Bu joriy oy boshida prezident Salva Kiir qo‘shinlari va Masharga sodiq otryadlar o‘rtasida jangovar to‘qnashuvlar tiklanganidan so‘ng yuz berdi. Gai Mashar qaytgudek bo‘lsa, o‘rnini bo‘shatib berishi bildirilmoqda.
21-iyul, payshanba kuni Kiir raqibini Jubaga qaytish va 300 dan ortiq kishi qurbon bo‘lishiga olib kelgan jangovar harakatlar tufayli to‘xtab qolgan tinchlik jarayonini tiklashga chaqirdi. Biroq ertasiga Mashar yaqin orada poytaxtga qaytmasligi, chunki Kiir tomonidan va’da qilingan xavfsizlik kafolatlariga ishonmasligi ma’lum bo‘ldi.
Izoh (0)