O‘zbekiston Prezidenti Islom Karimov Fransiya prezidenti Fransua Ollandga 14-iyul kuni Nitssa shahridagi terakt munosabati bilan samimiy hamdardlik izhor etdi. Bu haqda O‘zbekiston Tashqi ishlar vazirligi matbuot xizmati xabar berdi.
“Davlatimiz rahbari o‘z maktubida ko ‘plab insonlarning halok bo‘lgani haqidagi fojiaviy xabarni chuqur qayg‘u bilan qabul qilganligini qayd etdi, qurbon bo‘lganlarning oila a’zolari va yaqinlariga hamda jarohatlaganlarga hamdardlik so‘zlarini yetkazishni so‘radi”, — deyiladi vazirlik axborotida.
Avvalroq toshkentliklar Nitssadagi terakt qurbonlari xotirasiga Fransiya elchixonasiga gullar keltirayotgani haqida xabar berilgan edi.Ma’lumot uchun, 14-iyul, payshanba kuni kechasi Nitssa shahrida yuk mashinasi olomon ustiga bostirib borishi natijasida, so‘nggi ma’lumotlarga ko‘ra, halok bo’lganlar soni 84 kishiga yetdi, yana 18 kishi og‘ir ahvolda yotibdi.
Izoh (0)