Londonning “Chelsi” klubi a’zosi Diyego Kosta “Atletiko”ga qaytishni istayotgani haqida murabbiylar shtabi va jamoa rahbariyatiga ma’lum qildi. Bu haqda “Chempionat” AS nashriga asoslanib xabar berdi.
Madrid klubi tomonidan berilgan birinchi taklifga “Chelsi” tomonidan rad javobining berilishi Diyego Kostaga yoqmagandi. Keyinroq futbolchi “Chelsi”ga uning uchun o‘rinbosar topish uchun vaqt kerakligini to‘g‘ri qabul qildi.
Angliya Premyer-ligasining 2015/16-yilgi mavsumda Diyego Kosta 28 uchrashuv o‘tkazib, 12 ta gol urishga muvaffaq bo‘ldi va 6 ta golli uzatmani amalga oshirdi. Kelib chiqishi braziliyalik bo‘lgan va keyinchalik Ispaniya fuqaroligini qabul qilgan Kosta “Atletiko”ga qaytishni istayotgani borasida ommaga oshkora ma’lum qilganicha yo‘q.
Izoh (0)