O‘zbekiston Prezidenti Islom Karimov Italiya prezidenti Serjo Mattarellaga 12-iyul kuni Italiya janubidagi Apuliya viloyatida yuz bergan temir yo‘l halokati natijasida insonlar qurbon bo‘lganligi munosabati bilan chuqur ta’ziya izhor etdi. Bu haqda O‘zbekiston Tashqi ishlar vazirligi matbuot xizmati xabar bermoqda.
“O‘zbekiston Prezidenti o‘z maktubida qurbon bo‘lganlarning oila a’zolari va yaqinlariga hamda jarohatlaganlarga samimiy hamdardlik va qayg‘udoshlik so‘zlarini yetkazishni so‘radi”, — deyiladi vazirlik axborotida.
Eslatib o‘tamiz, 12-iyul, seshanba kuni Italiya janubida ikki poyezdning to‘qnashib ketishi oqibatida halok bo‘lganlar soni 27 kishiga yetdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)