Germaniya kansleri Angela Merkel Yevroittifoq va Rossiya o‘rtasida joriy etilgan iqtisodiy sanksiyalarni bekor qilish imkonini beradigan kelishuvga erishilishi tarafdori ekanligini bildirdi. Bu haqda u 11-iyul, dushanba kuni mamlakatning Singst kommunasida Xristian-demokratik ittifoq (XDI) tomonidan tashkil etilgan tadbirdagi chiqishi chog‘ida ma’lum qildi, deya xabar beradi “TASS”.
“Barchamiz Rossiya bilan yaxshi munosabatlarni qo‘llab-quvvatlaymiz. Ko‘pchilik Moskvadan iqtisodiy sanksiyalar olib tashlanishi tarafdori. Shaxsan o‘zim ham shuni istayman”, — deya ta’kidladi Merkel.
Oldinroq kansler Fransiya prezidenti Fransua Olland bilan maslahatlashuvlar yakunlaridan kelib chiqib va Minsk kelishuvlari yetarli darajada bajarilmayotganini ro‘kach qilib, Rossiyaga qarshi sanksiyalar uzaytirilishi zarurligini ta’kidlagandi. Shundan so‘ng Yevroittifoq Rossiyaga qarshi iqtisodiy sanksiyalarni yarim yilga uzaytirdi.
Izoh (0)