Argentinadagi hayvonot bog‘ida dunyodagi eng g‘amgin ayiq olamdan o‘tdi

Argentinaning Mendosa shahridagi hayvonot bog‘ida dunyodagi eng g‘amgin ayiq deb topilgan Arturo laqabli ayiq olamdan o‘tdi. Bu haqda “RIA Novosti” xabar bermoqda.

Arturo 31 yoshda edi. U AQShda tug‘ilgan, 8 yoshligida esa Argentinaga olib kelingandi.

Ayiq jufti Pelusaning qazo qilganidan so‘ng shuhrat qozona boshlagan. O‘shanda hayvonot bog‘i tashrifchilari yolg‘izlikda g‘amgin bo‘lib qolgan Arturoni ko‘rishgandi. Muassasa xodimlari so‘nggi paytlarda ayiqda depressiya asoratlari va ruhiy muammolar kuzatilganini ta’kidlagan edi.