AQSh o‘zining uchuvchisiz qurilmalari va raketalaridan halok bo‘lgan tinch aholi sonini hisoblab chiqdi

AQSh Harbiy-havo kuchlarining “jangovar faol bo‘lmagan” hududlariga hujum qilish oqibatida 116 nafargacha tinch aholi vakili qurbon bo‘lgan bo‘lishi mumkin. Bu haqda AQSh milliy razvedkasining rasmiy saytida chop etilgan hisbotda ma’lum qilindi, deb xabar bermoqda “RBK”.

Ma’lumotlarga ko‘ra, 2009-yilning 20-yanvaridan 2015-yilning 31-dekabriga qadar AQSh aksilterror operatsiyasi davomida 473 ta hujum qilingan. Buning natijasida 64 nafardan 116 nafargacha tinch aholi vakili qurbon bo‘lgan. Ushbu vaqt mobaynida 2581 jangari yo‘q qilindi.

Mazkur ma’lumotlar, jangovar faol harakatlar amalga oshirilayotgan Afg‘oniston, Iroq va Suriya hududlarida halok bo‘lganlarni o‘z ichiga olmadi.