Futbol bo‘yicha Amerika Kubogi–2016 turnirining “D” guruhi 2-turidan o‘rin olgan Argentina – Panama (5:0) uchrashuvi yakuniga yetgach, futbol muxlislaridan biri Messidan dastxat olish uchun maydonga yugurib chiqdi. Ushbu holatning videosi YouTube’da e’lon qilindi.
Avvaliga stadion xodimlari ishqibozni ushlab oldi. Keyin esa Messi uning oldiga bordi va dastxat berish o‘rniga u bilan quchoqlashdi.
Eslatib o‘tamiz, Argentina terma jamoasi dastlabki turda Chilini 2:1, ikkinchi turda Panamani 5:0 hisobida mag‘lubiyatga uchratdi va musobaqaning pley-off yo‘llanmasini muddatidan avval qo‘lga kiritdi.
Izoh (0)