Shveysariyaga qo‘shni mamlakatlar — Avstriya, Germaniya, Italiya, Lixtenshteyn va Fransiya rahbarlari 1-iyun, chorshanba kuni maxsus VIP-poyezdda yangi 57 kilometrli Sen-Gotard tunnelidan o‘tdi, deb yozadi “TASS”. Sayohat, rejalashtirilgani kabi, 30 daqiqaga yaqin davom etdi, bu “oddiy” yo‘lovchi vagonlariga zarur bo‘lgan 20 daqiqadan sal ko‘proqdir.
Shu kuni ertalab bunday poyezdlardan ikkitasi birinchi bo‘lib Sen-Gotard tunnelining ikkita “quvuri”dan shimoldan janubga qarab va aksincha yo‘nalishda yurib o‘tdi, bu uning rasman ochilganini bildirdi.
17 yil davomida qurilgan va 12,2 milliard Shveysariya franki (taxminan 11 milliard yevro)ga tushgan Sen-Gotard tayanch tunneli Syurixdan Luganogacha bo‘lgan yo‘lni hozirgi 2 soat-u 41 daqiqadan 2 soatgacha qisqartiradi. Yangi magistral bo‘yicha muntazam qatnov dekabrda boshlanadi, ungacha esa texnik sinovlar olib boriladi.
Izoh (0)