Instagram va Facebook ommabop blogerlarga mukofot puli to‘lash g‘oyasi ustida bosh qotirmoqda

Facebook va Instagram’dagilar servisning reklamadan ko‘rgan daromadini blogerlarga taqsimlab berish uchun sxema kiritishni ko‘rib chiqmoqda. Bu haqda Facebook’ning global marketing yechimlari bo‘yicha vitse-prezidenti Kerolin Everson ma’lum qildi, deb yozadi TJournal.

Uning so‘zlariga ko‘ra, bunda gap yangiliklar nashrlari, sport OAVlari, taniqli shaxslar va boshqa ommabop kontent haqida bormoqda. Ular o‘z kontentini platformada tarqatayotgani uchun foyda olishi Facebook va Instagram’ni qizitiradi.

“Kontent Facebook va Instagram’da o‘ta muhim. Biz kontentni tarqatish uchun global platformaga aylanishni istaymiz va shu tufayli, mualliflarga ushbu kontentni pulga aylantirishda yordam berish uchun turli usullarni topishga intilmoqdamiz. Biz daromadlarni taqsimlash modelini ko‘rib chiqmoqdamiz”, — dedi Kerolin Everson.