O‘zbekiston terma jamoasining 2-iyun kungi raqiblari birin-ketin bekor bo‘lgani o‘zbekistonlik futbol muxlislari uchun kun mavzusiga aylandi. Qayd etish kerak, avvaliga Qirg‘iziston, keyinroq esa Ekvatorial Gvineya termasiga qarshi o‘yinlar o‘tkazilmaydigan bo‘ldi.
Twitter foydalanuvchilaridan biri bo‘lgan muxlis shunday deb yozdi: “FIFA kunidan unumli foydalanib qolmoqchi bo‘layotgan MTJ 2-iyun kuni juft-juft bo‘lib Playstation’da FIFA—2016 o‘ynarkan”.
Bellashuv bekor bo‘lgani haqidagi xabar chiqqanidan keyin Qirg‘izistonda istiqomat qiluvchi Twitter foydalanuvchisi “Endi kerak bo‘lsa Bishkekka o‘zinglar kelinglar”, — deb izoh qoldirgan.
Xuddi shu foydalanuvchi undan avvalroq “Endi xafa bo‘lmanglar-u, bitta tuzukroq o‘rtoqlik o‘yini tashkil qilishga ham yaramaydigan menejerlari bor jamoaga JChda nima bor?!”, deb ham yozgandi.
Foydalanuvchilar orasida “Miiishshshaaa, JCh—2018 otmen”, “Endi kim bilan o‘ynaymiz, oqlar va ko‘klarmi?”, “Ob-havoning noqulay kelganligi tufayli...”, “Qo‘shiq bo‘lardi-ku, senga bir so‘z aytish bekor, toshga yomg‘ir qilmaydi kor. Bet ham, uyat ham yo‘q bularda, eplay olmasang bo‘shat joyni eplaydiganlarga”, “Anekdot ustiga anekdot, federatsiya va terma jamoa markaziga dushmanning keragi yo‘q, ular o‘zlariga o‘zi dushman”, deb yozilganlarini ham uchratish mumkin.
Keyinroq esa foydalanuvchilardan yana biri “O‘zbekiston MTJ 2-iyun kuni ‘Sevinch’ ayollar jamoasiga karshi to‘p surar ekan”, — deb izoh qoldirgan.
Endi esa futbolga ixtisoslashgan saytlarda muxlislar tomonidan yozilgan izohlar bilan tanishing:
“Janubiy Koreya Ispaniya bilan o‘rtoqlik o‘yini tashkil qilganda bizning futbol rahbarlarimiz oddiy o‘yin ham tashkil qila olmaydi”.
“Faxriylar va aktyorlar jamoasiga qarshi o‘yin tashkillashtirish kerak!”.
“Ba’zi bir yuzerlar aytgandi-ya, mahallaning g‘iybatchi xotinlariga ko‘ra bu o‘yin ham bekor bo‘ladi, deb. To‘ppa-to‘g‘ri bo‘lib chiqdi, qoyil!”.
“Agar legionerlarga qarshi o‘yin ham bekor bo‘lsa, ayollar terma jamoasiga qarshi maydonga tushamiz”.
Izoh (0)