Isroil vazirlar mahkamasi raisi Binyamin Netanyaxu Rossiya prezidenti Vladimir Putinga Suriya qo‘shinlari 1982-yilda Janubiy Livanning Sulton-Yaakub qishlog‘i yaqinidagi jangda o‘lja sifatida qo‘lga kiritgan tankni qaytarishga rozi bo‘lgani uchun minnatdorlik bildirdi, deb yozadi “Vedomosti” Netanyaxuning matbuot xizmatiga tayanib.
Magach tanki Isroil armiyasi tomonidan birinchi Livan urushi chog‘ida Suriya Qurolli kuchlari bo‘linmalari bilan janglar davomida qo‘ldan boy berilgan edi. Uning uch kishidan iborat ekipaji taqdiri haligacha noma’lum bo‘lib qolmoqda. Oxir-oqibat, tankni sobiq ittifoqqa topshirishdi, va ayni paytda mashina Podmoskovye muzeyida eksponat sifatida saqlanadi.
“Men Rossiya prezidenti Vladimir Putinga Sulton-Yaakub yaqinidagi janglarda qatnashgan tankni Isroilga qaytarish haqidagi so‘rovimga ijobiy javob bergani uchun minnatdorman”, — dedi Netanyaxu. Tankni vataniga qaytarish masalasi Isroil bosh vazirining aprelda Moskvaga tashrifi chog‘ida ko‘tarilgan edi.
Izoh (0)