Bugun,

  • USD 11095.31
  • RUB 173.84
  • EUR 10772.44

Qirg‘izistonning Botken va Talas viloyatiga yopirilgan kuchli jala va shiddatli shamol turar-joylar, ijtimoiy obyektlar va yo‘l infratuzilmasiga jiddiy zarar yetkazdi, deya xabar bermoqda “Interfaks” respublika favqulodda vaziyatlar vazirligiga tayanib.

Foto: “Ruffnews.ru”

Foto: “Ruffnews.ru”

9-may kuni Botken viloyatida kuzatilgan, tezligi soniyasiga 28 metrga yetgan kuchli shamol 869 ta uy, 17 ta ijtimoiy obyektni tomsiz qoldirdi, daraxtlarni qulatdi, elektr uzatish simlarini uzdi, natijada bir nechta aholi punktlari chiroqsiz qoldi. Ikki kecha-kunduz davomida tinmayotgan jala turar-joylar, maktablar va kasalxonalarni suv ostida qoldirdi, ko‘priklarni buzdi, aholi punktlari o‘rtasidagi avtomobil qatnovini izdan chiqardi.

Talas viloyatida 9-may kuni katta-katta do‘l yog‘ib, qishloq xo‘jalik ekinlarini payhon qildi. Kuchli shamol esa daraxtlarni ildizi bilan sug‘urib, reklama ustunlarini ag‘anatdi, uylar tomlarini uchirdi.

Qirg‘izistonda yomg‘irli havo 12-maygacha saqlanib qolishi aytilmoqda, shu tufayli butun respublikada, ayniqsa, tog‘li hududlarda sel kelishi va yerlar o‘pirilishi xavfi bor.

Izoh
Asosiy yangiliklar
Mahalliy
O‘zbekistonlik olimlar onkologik kasalliklarni 99 foizgacha davolaydigan dori ishlab chiqardi
Dunyo
Turkiyada erkak o‘zi bilan birga yashagan o‘zbekistonlik ayolni tosh bilan o‘ldirib, jasadini bo‘laklab, muzlatkichda saqlagani aniqlandi (video)
Iqtisodiyot
O‘zbekistonda elektromobillar sotuvi rekord darajaga yetdi