O‘zbekiston xalq artisti Farrux Zokirov jiyani Nargiz Zokirovaning imidji, unga nisbatan bildirilgan tanqidlarga o‘z fikrini aytdi, deb yozadi UZ24.
“Balki men eskicha qararman, lekin unga avvalo, Karim Zokirovning nabirasi ekanligingni esingdan chiqarma, degan gapni doimo aytaman. Baribir u keyingi, yosh avlod, uning dunyoqarashi, hayoti ham boshqacha, to‘g‘rimi? Men unga faqat mana shunday yurishing kerak, mana bunday libos kiyishing kerak, desam noto‘g‘ri bo‘ladi. Tanqidlar bo‘lgan bo‘lsa, bu o‘rinli, tabiiy. Lekin Nargizaning professional mahorati yuqori darajada. Buning hammasi unda bo‘lgan noto‘g‘ri harakatlarning o‘rnini bosadi ”, — dedi Farrux Zokirov shok.uz saytiga bergan videointervyusida.
Eslatib o‘tamiz, xonanda Nargiz Zokirova 1971-yil Toshkentda tug‘ilgan. U taniqli opera qo‘shiqchisi, teatr va kino aktyori, O‘zbekiston xalq artisti Karim Zokirovning nabirasi, O‘zbekiston xalq artisti Farrux Zokirovning jiyanidir. U 90-yillarda o‘zbek estradasida ijod qila boshlagan. 1995-yilda esa AQShga ko‘chib ketgan. 2013-yildan Rossiya sahnasida ko‘rinish bera boshladi.
Izoh (0)