“Barselona” hujumchisi Luis Suares “Betis”ga qarshi Ispaniya chempionati 36-turida gol kiritib, jamoasining 2:0 hisobidagi g‘alabasiga hissa qo‘shdi, deb xabar bermoqda “Chempionat”.
Ushbu gol evaziga Suares, Messi va Neymar triosi joriy mavsumda kiritgan gollari sonini 123 taga yetkazib, o‘tgan mavsumdagi natijani yaxshiladi. 2014/15-yilgi mavsumda Messi 58, Neymar 39, Suares esa 25, jami 122 ta gol kiritishga muvaffaq bo‘lgandi.
Joriy mavsumdagi holat esa quyidagicha: Suares hisobida 54, Messida 40 va Neymarda 29 ta gol mavjud.
1-may holatiga ko‘ra, Ispaniya chempionatida 35 ta gol kiritgan Luis Suares 2015/16-yilgi mavsumning “Oltin butsa” mukofotiga asosiy da’vogar bo‘lib turibdi.
Izoh (0)