KXDRda 2015-yilda hibsga olingan, kelib chiqishi koreyalik bo‘lgan AQSh fuqarosi Kim Don Chxol mamlakat Oliy sudi tomonidan o‘n yillik qamoq jazosiga hukm qilindi. Bu haqda “TASS” xabar beradi.
62 yoshli amerikalik KXDR shimoli-sharqidagi Rason savdo-iqtisodiy hududida hibsga olingan bo‘lib, u yerda tadbirkorlik va xayriya faoliyatida ishtirok etishni ro‘kach qilgan.
U Janubiy Koreya razvedka xizmati topshirig‘i bo‘yicha KXDRda ma’lumot to‘plash, jumladan, harbiy sohaga oid ma’lumotlarni to‘plash bilan shug‘ullanganligi, aholi orasidagi kayfiyat, oziq-ovqat bozorlaridagi vaziyat haqida ma’lumotlar yetkazib turganligini ma’lum qilgan.
Sud qaror chiqarishda uning tergov bilan hamkorlik qilganligi, pushaymon bo‘lganligi va yoshini hisobga olgan.