Avstraliya Federal sudi Nurofen brendi ostida og‘riq qoldiruvchi dori vositasini ishlab chiqaruvchi Britaniyaning Reckitt Benckise kompaniyasini iste’molchilar to‘g‘risidagi qonunni buzganligi uchun 1,7 million dollarga teng jarimaga tortdi. Bu haqda TJournal xabar beradi.
Nurofen ishlab chiqaruvchisi og‘riqning alohida turlari uchun mo‘ljallangan dorilarni chiqarsa-da, haqiqatda bu kabi dori vositalarini yaratish imkoniyati mavjudligining ilmiy isboti yo‘q.
Aynan shu sababdan Avstraliya raqobat va iste’mol mahsulotlari bo‘yicha komissiyasi dekabrda kompaniyani sudga bergan edi. Britaniyaning Reckitt Benckise kompaniyasi xaridorlarni chalg‘itishda ayblandi.
Tekshirish natijalariga ko‘ra, Nurofen’ning barcha turlarida faqat bir ingrediyent ibuprofen qo‘llanilgan, biroq uning turli ko‘rinishdagi dorilari narxi bir-biridan katta farq qilgan. Komissiyaning ta’kidlashicha, xaridor eng arzon Nurofen’ni sotib olib, go‘yoki og‘riqning alohida turlari uchun mo‘ljallangan Nurofen Specific Pain seriyasidagi dorilar bilan bir xil natijaga erisha olgan.
Izoh (0)