“Bavariya” pley-offdagi birinchi mag‘lubiyatini Madridda “Atletiko”dan qabul qilib oldi

Futbol bo‘yicha Yevropa Chempionlar Ligasining ikkinchi yarim final o‘yini ham yakunlandi. Madridda Germaniyaning “Bavariya” klubini qabul qilgan “Atletiko” Saul tomonidan kiritilgan yagona gol evaziga muvaffaqiyat qozondi.

Joriy mavsum hisobidan olib qaraganda, “Bavariya” pley-off bosqichidagi 4 ta o‘yinning hech birida mag‘lubiyat alamini totib ko‘rmagandi. Bu safar Xosep Gvardiola jamoasi Madrid klubiga imkoniyatni boy berdi.

Ma’lumot uchun, “Bavariya” Chempionlar Ligasining so‘nggi ikki mavsumi yarim finallarida ham Ispaniya klublariga imkoniyatni boy bergan. Ikki yil muqaddam Madridning “Real” klubi Bundesliga yetakchisini ikki o‘yin natijasiga ko‘ra 5:0 hisobida taslim qilgan bo‘lsa, o‘tgan mavsum “Barselona” 5:3 hisobida muvaffaqiyat qozongandi. Joriy mavsum esa La Liganing boshqa bir klubi “Atletiko” yarim final bosqichida “Bavariya”ni qoldirib ketish uchun muhim qadam tashladi.

• “Real” Chempionlar Ligasi yarim finalida “Manchester Siti”ni mag‘lub eta olmadi

Yevropa Chempionlar Ligasi Yarim final bellashuvi 27-aprel, chorshanba

“Atletiko” (Ispaniya) — “Bavariya” (Germaniya) 1:0