2016-yilning 5-avgustidan 21-avgustiga qadar Braziliyaning Rio-de-Janeyro shahrida XXXI yozgi Olimpiada va XV Paralimpiya o‘yinlari o‘tkaziladi.  Bugungi kunga kelib o‘zbekistonlik sportchilar tomonidan to‘rt yillikning eng nufuzli sport turniriga jami 60 ta yo‘llanma naqd qilib qo‘yilgan. Shundan 25 tasi paralimpiyachilar tomonidan qo‘lga kiritildi, deb xabar beradi O‘zbekiston Milliy olimpiya qo‘mitasi matbuot xizmati.

Qayd etish kerakki, oldinda sportning yana bir qator turlari bo‘yicha yo‘llanmalar o‘ynaladigan musobaqalar mavjud va O‘zbekiston delegatsiyasining Rio–2016 Olimpiada o‘yinlaridagi safi kengayishi mumkin.

Quyida, XXXI yozgi Olimpiada o‘yinlariga yo‘llanma olgan sportchilar ro‘yxati keltirilgan:

Boks – 11 ta yo‘llanma.

Hasanboy Do‘smatov (-49 kg)Shahobiddin Zoirov (-52 kg)Murodjon Axmadaliyev (-56 kg)Xurshid Tojiboyev (-60 kg)Fazliddin G‘oipnazarov (-64 kg)Shahram G‘iyosov (-69 kg)Bektemir Meliqo‘ziyev (-75 kg)Elshod Rasulov (-81 kg)Rustam To‘laganov (-91 kg)Bahodir Jalolov (+91 kg)Yodgoroy Mirzayeva (-51 kg)

Yengil atletika – 8 ta.

Sitora Hamidova – marafon (42 195 metr)Svetlana Radzivil – balandlikka sakrashSuxrob Xo‘jayev – bosqon uloqtirishMarina Xmelevskaya – marafon (42 195 metr)Bobur Shokirjonov – nayza uloqtirishSitora Hamidova – marafon (10 000 metr)Yekaterina Voronina – yettikurashAndrey Petrov – marofon (42 195 metr)

Baydarka va kanoeda eshkak eshish – 5 ta.

Aleksey Machalov – 1000 metr, yakkalik (baydarka)Gerasim Kochnev – 1000 metr, yakkalik (kanoe)Olga Umaraliyeva – 200 metr, yakkalik (baydarka)Vadim Menkov – 1000 metr, juftlik (kanoe)Serik Mirbekov – 1000 metr, juftlik (kanoe)

Og‘ir atletika – 5 ta.

Og‘ir atletika sport turida yo‘llanmalar terma jamoalarga beriladi. Olimpiada o‘yinlarida ishtirok etadigan sportchilar O‘zbekiston og‘ir atletika federatsiyasi tomonidan musobaqalar arafasida e’lon qilinadi.

Sport kurashlari – 3 ta.

Rustam Assakalov – Yunon-rum kurashi (-85 kg)Dilshod Turdiyev – Yunon-rum kurashi (- 75 kg)Ixtiyor Navro‘zov  – Erkin kurash (-65 kg)

Suzish – 2 ta.

Ra’noxon Amanova – 200 metr, kompleksRa’noxon Amanova – 400 metr, kompleks

Taekvondo (WTF) – 1 ta.

2015-yil yakunlariga ko‘ra, Olimpiya reytingining eng og‘ir vazndagi sportchilar jadvalida bir yo‘la ikki nafar o‘zbekistonlik sportchi – Dmitriy Shokin va Jasur Boyqo‘ziyev kuchli oltilikdan o‘rin egalladi. Qoidaga ko‘ra, Olimpiada o‘yinlarida har bir vazn toifasida bir davlatdan faqatgina bir nafar sportchi ishtirok etishi mumkin. Shu bois, Rio–2016 o‘yinlarida qaysi sportchining ishtirok etishi o‘yinlar arafasida O‘zbekiston Taekvondo (WTF) milliy assotsiatsiyasi tomonidan e’lon qilinadi.

XV yozgi Paralimpiya o‘yinlariga quyidagi sport turlari bo‘yicha yo‘llanmalar qo‘lga kiritilgan:

Yengil atletika – 10 taDzyudo – 8 taSuzish – 5 taO‘q otish – 1 taPauerlifting – 1 ta

Ma’lumot uchun, Paralimpiya o‘yinlariga qadar dasturga kiritilgan deyarli barcha sport turlari bo‘yicha litsenzion musobaqalar o‘tkaziladi. Paralimpiya o‘yinlarida O‘zbekiston sharafini himoya qiladigan sportchilar nomi o‘yinlar arafasida O‘zbekiston Milliy Paralimpiya assotsiatsiyasi tomonidan e’lon qilinadi.