Angliyaning “Manchester Siti” jamoasi yarim himoyachisi Samir Nasrining Lamborghini Aventador Pirelli Edition avtomobili musodara qilindi, deb xabar bermoqda Daily Mail.
Fransiyalik 28 yoshli futbolchi o‘zining sportkarini Buyuk Britaniyada ro‘yxatdan o‘tkazmagani uchun mahalliy politsiya xodimlari uning avtomobilini musodara qilishga majbur bo‘ldi.
Ushbu voqea futbolchi “Manchester Siti” – “Manchester Yunayted” (0:1) uchrashuviga yo‘l olayotgan vaqtda sodir bo‘ldi. Avtomobilsiz qolgan futbolchini klub haydovchilaridan biri olib ketdi.
Jarohati tufayli Samir Nasri jamoasining bir qator uchrashuvlarini o‘tkazib yuborishga majbur bo‘lmoqda. Endilikda fransiyalik futbolchi narxi 330 ming funt sterlingga teng avtomobilini ro‘yxatdan o‘tkazish masalalarini hal qilishi kerak bo‘ladi.
Izoh (0)