San-Pauluning shimoliy qismidagi turar-joy ustiga samolyot qulashi oqibatida yetti kishi halok bo‘ldi, deya xabar bermoqda “TASS”.
Ma’lumotlarga ko‘ra, halok bo‘lganlarning barchasi San-Pauludan Rio-de-Janeyroga uchayotgan CA-9 rusumli samolyot bortida bo‘lgan. Samolyot qulagan bino ichidagi odamlar esa, dastlabki ma’lumotlarga ko‘ra, omon qolgan.
Globo nashri ma’lumotlariga ko‘ra, halok bo‘lganlar orasida Vale tog‘-kon kompaniyasining sobiq prezidenti Rojer Agnelli va uning yaqin qarindoshlari bo‘lgan.
Guvohlarning so‘zlariga ko‘ra, aviahalokat samolyot havoga ko‘tarilishi bilan ro‘y bergan. Aytishlaricha, uchuvchilar balandlikka ko‘tarilishda muammoga duch kelayotgani ochiq ko‘rinib turgan: samolyot juda past uchgan.
Izoh (0)