O‘zbekistonlik iste’dodli tennischi Jo‘rabek Karimov Rossiyaning Qozon shahrida o‘tkazilayotgan tennis turniridagi ishtirokini muvaffaqiyatli davom ettiryapti, deb xabar beradi “Olamsport”.
Ushbu musobaqada o‘zbekistonlik tennischi birinchi raqam ostida tasniflangan. Jo‘rabek kecha, 25-fevral kuni bo‘lib o‘tgan uchinchi davra bahsida turnirning 14-raketkasi, rossiyalik Aleksey Zaxarovni ikki setda ham bir xil 6:4 hisobida mag‘lub etdi.
Qayd etish joiz, Jo‘rabek Karimov musobaqadagi ishtirokini to‘g‘ridan-to‘g‘ri ikkinchi bosqichdan boshlagan edi. U bu davrada rossiyalik Ivan Mixaylyukni 6:1, 6:4 hisobida mag‘lubiyatga uchratgandi.
Bugun, 26-fevral kuni Karimov yarim final ostonasida turnirning 9-raketkasi, britaniyalik Rayan Jeyms Storriyega qarshi kortga chiqadi.
Izoh (0)