AQSh Harbiy-havo kuchlari joriy haftada ikkinchi marta “Minitmen-3” qit’alararo ballistik raketasi sinovini o‘tkazdi. Bu haqda, AP agentligiga asoslanib, “Interfaks” xabar bermoqda.
Raketa Kaliforniya shtatidagi “Vandenberg” aviabazasidan uchirilgan. U 6,5 ming kilometr uchib, Kvajaleyn marjon oroli yaqinidagi poligonga tushgan.Strategik raketa uchirilishida qatnashgan AQSh mudofaa vaziri o‘rinbosari Robert Uork sinov strategik raqiblar – Rossiya, Xitoy, Shimoliy Koreyaga Vashingtonda ham samarador yadroviy qurol borligi haqida o‘ziga xos xabar ekanligini ta’kidlab o‘tdi.
“Biz bu ishni shuning uchun qildik, – tushuntirdi amaldor. – Biz, ruslar va xitoyliklar o‘zimizdagi raketalar qay darajada ishonchliligini tekshirish uchun muntazam ravishda shunday sinovlar o‘tkazib turamiz. Bu, zarur bo‘lganda, davlatimiz himoyasi uchun yadroviy qurol ishlatishga hozirligimiz haqidagi signal hamdir”.