Visa kompaniyasi vakili kartadagi ma’lumotlarni mobil terminal orqali qo‘lga kiritish mumkinligini aytdi

Visa Europe’ning yangi mahsulotlarni joriy qilish bo‘yicha ijrochi direktori Sandra Alsetta so‘zlariga ko‘ra, mobil terminal yordamida yovuz niyatlilar karta egasining ba’zi shaxsiy ma’lumotlarini o‘g‘irlashi mumkin, ammo uni xaridlarni amalga oshirish uchun klonlashtira olmaydi. Bu haqda u Barselonadagi Mobile World Congress konferensiyasida “Kasperskiy laboratoriyasi” bilan qo‘shma diskussiyada aytib o‘tdi, deb yozadi TJournal.

“Agar kimdir qandaydir yo‘l bilan kartangiz ma’lumotlarini qo‘lga kiritsa, bu ma’lumot bilan ko‘p narsa qilib bo‘lmaydi. Chip va PIN bo‘lsa, nima ham qilib bo‘lardi?.. Ba’zan POS-terminal orqali karta ma’lumotlarini qo‘lga kiritish mumkin bo‘lgan hollarni kuzatdik. Lekin ularni hech narsa qilib bo‘lmaydi”, — dedi Alsetta.

U tovar va xizmatlarni karta raqami va amal qilish muddatini ko‘rsatgan holda sotib olish imkonini beruvchi saytlar haligacha mavjud ekanligini, kompaniya ular kamayishi va do‘konlar xavfsizlikning ancha zamonaviy standartlariga o‘tishi uchun harakat qilayotganini ta’kidladi.