Xonanda Rayhon 2016-yilgi konsert dasturi bilan bog‘liq ba’zi yangiliklarni ma’lum qildi, deya xabar bermoqda “Darakchi” gazetasi.
“Shou-dastur mayda detallardan tashkil topgan yirik loyiha hisoblanadi. Biz bugun barcha muammolarni bartaraf etish uchun ijodiy guruhimiz bilan sutkasiga salkam 24 soat tinim bilmay ishlayapmiz”, — dedi Rayhon.
“Konsert, bu — syurpriz. Agar hozir aytsam, u syurpriz bo‘lmay qoladi. Lekin bir sirni aytishim mumkin — uchta blokdan iborat dasturda o‘tgan yillardagiga o‘xshamagan sirk gimnastik harakatlarini bajaraman”, — deya qo‘shimcha qildi xonanda.
Eslatib o‘tamiz, Rayhonning 2016-yilgi konsert dasturi 23—27-fevral kunlari Toshkent shahridagi “Istiqlol” san’at saroyida bo‘lib o‘tadi.
Izoh (0)