Volvo elektronikadagi nosozlik tufayli 59 ming dona avtomobilni chaqirib oladi

Avtomobil ishlab chiqaruvchi Volvo konserni elektron tizimidagi nosozlik tufayli 59 ming dona avtomobilni chaqirib oladi. Bu haqda AFP bergan ma’lumotlarga asosan “TASS” xabar qilmoqda.

Kompaniya vakilining ma’lum qilishicha, chaqirib olinayotgan avtomashinalarning yarmi Shvetsiyada ro‘yxatga olingan.

Dastlabki ma’lumotlarga ko‘ra, 2016-yilda ishlab chiqarilgan mashinalarning elektronikasida aniqlangan nosozlik transport vositasidagi barcha tizimlarni kutilmaganda butunlay o‘chirib qo‘yishi mumkin.