AQShning kurdlar bilan ittifoq tuzish haqidagi taklifi Turkiyani qattiq ranjitdi

AQSh Davlat departamentining Oq uy Anqara va Suriyadagi kurdlarni bir doskaga qo‘ygani haqidagi bayonoti Turkiya hukumatining izzat-nafsiga tegdi. Bu haqda Turkiya tashqi ishlar vazirligi matbuot kotibi ma’lum qildi, deb xabar beradi “Korrespondent.net”.

Oldinroq Davlat departamenti vakili Jon Kirbi Turkiya va Suriyadagi kurdlarni umumiy dushman — IShID jangarilariga qarshi kurashga e’tibor qaratishga chaqirgandi.

Kuni kecha kurdlar tomonidan Turkiya tomoniga minomyot snaryadi otilishiga javoban Turkiya artilleriyasi Suriya shimolidagi to‘rtta hududni o‘qqa tutdi.

Turkiya suriyalik kurdlarning “Demokratik ittifoq” partiyasini terrorchilik tashkiloti hisoblangan Kurdiston ishchi partiyasining bo‘linmasi deb hisoblaydi. Anqara kurdlarni harbiy jinoyatlarda, shuningdek, Moskva va Suriya prezidenti Bashar Asad bilan sheriklikda ayblaydi.

AQSh prezidentining maxsus vakili Brett Makgurkning suriyalik kurdlarning “Demokratik ittifoq” partiyasi nazorat qiladigan Kobani shahriga tashrifidan so‘ng, Anqara va Vashington o‘rtasidagi ziddiyat kuchaydi.