Tamila: Toshkentdaman, hech qayerga qochib ketganim yo‘q! (video)
Ijtimoiy tarmoqlarda xonanda Tamila ishtirokidagi yana bir videorolik tarqaldi. Unda xonanda foydalanuvchilarga murojaat qilgan. Bu haqda “Darakchi.uz” xabar bermoqda.
Videorolikda avtomobil boshqarib ketayotgan xonandaning so‘zlarini old o‘rindiqda o‘tirgan yo‘lovchi tasvirga olgani ifodalangan. Tamila Toshkent shahrida ekanligini va hech qayerga qochib ketmaganligi aytgan.
Tarqalgan behayo videoroliklar haqida Tamila shunday deydi: “Behayo videoroliklarga hech qanday aloqam yo‘q. Bu haqda ekspertlar bergan xulosani prodyuserlik markazimga taqdim etdim. Shu o‘rinda menga xayrixoh bo‘lgan va qo‘llab-quvvatlagan barchaga chuqur minnatdorchilik bildiraman”.
Eslatib o‘tamiz, oldinroq xonandaning Instagram’dagi sahifasini o‘chirib, Qozog‘istonga ko‘chib ketganligi haqida xabar berilgandi.
