Qozog‘istonda O‘zbekistonning 586 ta kompaniyasi faoliyat yuritadi

Qozog‘istonda 2016-yil 1-yanvar holatiga ko‘ra, chet el ishtirokidagi 33,5 mingdan ziyod yuridik shaxs ro‘yxatga olingan, ulardan faqat 16,9 mingtasi faoliyat yuritayotgan deb topildi. Bu haqda mamlakat statistika qo‘mitasiga tayanib, LS xabar berdi.

Qozog‘istonda eng ko‘p Rossiya ishtirokidagi kompaniyalar faoliyat yuritadi, ularning soni 5,8 mingga teng.

Shuningdek, 1,6 mingta Turkiya, 950 ta Niderlandiya, 845 ta Germaniya, 668 ta Xitoy, 586 ta O‘zbekiston kompaniyalari ishlaydi. Amerika kapitali qariyb 500 ta, Birlashgan Qirollik kapitali esa 495 ta kompaniyada mavjud.

Bundan tashqari, Qozog‘istonda Ukraina, Koreya, Britaniyaning Virginiya orollari, Qirg‘iziston, Shveysariya, Kipr, Hindiston, Eron, KXDR va boshqa mamlakatlar kapitallari ishtirokidagi korxonalar faoliyat yuritadi.