Fransiyaning O‘zbekistondagi elchixonasi Labcitoyen 2016 tanlovini o‘tkazmoqda. Unda 18—25 yoshlardagi o‘zbekistonlik talabalar ishtirok etishi mumkin. Bu haqda elchixona rasmiy sayti xabar bermoqda.
Tanlov ikki bosqichdan iborat bo‘ladi. Har ikkala bosqich “Salomatlik va inson huquqlari” mavzusida o‘tkaziladi.
16-mart kuni Toshkent shahrida bo‘lib o‘tadigan Frankofoniya bayramida yozma ish bosqichi bo‘lib o‘tadi. Yozma ishlar asosida tanlab olingan 5 nafar nomzod og‘zaki imtihon topshiradi. Og‘zaki imtihon bosqichida eng yaxshi natija ko‘rsatgan nomzod 2016-yil iyul oyida Labcitoyen dasturi bo‘yicha Fransiyaga 10 kunlik sayohatga yo‘llanma bilan taqdirlanadi.
Tanlovning qo‘shimcha shartlari va tanlovga yozilish varaqasini yuklab olish uchun ushbu havolaga o‘ting.
Izoh (0)