Parij sudi Uber kompaniyasiga Milliy taksichilar uyushmasiga 1,2 million yevro miqdorida tovon puli to‘lashi kerakligi haqida qaror chiqardi, deb xabar beradi “Gazeta.ru”.
Kompaniyaning haydovchilari ish davomida Uber dasturi orqali buyurtma berilmagan bo‘lsa ham, ko‘chadan mijozlarni olgani uchun jarima solindi.
Rasmiy taksomotor parklar xodimlari Uber va shunga o‘xshash onlayn-servislarning Fransiyadagi faoliyatini to‘xtatishni talab qilmoqda. Taksichilarning norozilik aksiyasi davomida politsiya kamida 20 kishini qo‘lga oldi.
Eslatib o‘tamiz, oldinroq Alisher Usmonov va sheriklarining USM Holdings xoldingi Amerikaning taksi buyurtmasi bo‘yicha Uber xizmati investorlaridan biri ekanligi ma’lum bo‘lgandi.
Izoh (0)