Poroshenko, Merkel va Olland Donbassdagi vaziyatni muhokama qildi

Ukraina prezidenti Pyotr Poroshenko Germaniya va Fransiya yetakchilari Angela Merkel hamda Fransua Olland bilan telefon orqali bog‘landi va Donbassdagi vaziyatni muhokama qildi. Bu haqda Ukraina rahbarining saytiga tayanib, “RBK” xabar qilmoqda.

Poroshenko “rossiyalik jangarilar tomonidan o‘t ochishni to‘xtatish rejimini buzishga va YeXHT kuzatuvchilarini bosib olingan hududlarga hamda Ukraina — Rossiya chegarasidagi nazorat ostida bo‘lmagan yerlarga kiritmaslikka yo‘l qo‘yib bo‘lmasligini ta’kidlab o‘tdi”, deyiladi xabarda.

Tomonlar Minsk kelishuviga amal qilish uchun keyingi tadbirlarni muhokama qildi.

Davlat rahbarlari keyingi haftada yana bog‘lanishga kelishib oldi.