Amerikaning BGC Partners brokerlik kompaniyasi Turkiyaning Rossiya sanksiyalari natijasidagi yo‘qotishlarini 12 milliard dollarga baholadi. Turkiya hukumati esa turk iqtisodiyotidagi yo‘qotishlar 9 milliard dollar atrofida bo‘ladi, deb hisoblamoqda. Bu haqda “RBK” xabar beradi.
Brokerlarning fikriga ko‘ra, Turkiya rossiyalik sayyohlar oqimining qisqarishi oqibatida uch milliard dollar, Turkiya mahsulotlariga e’lon qilingan embargo tufayli yana uch milliard dollarni yo‘qotadi. Bundan tashqari, olti milliard dollar yo‘qotish savdoning boshqa sohalariga to‘g‘ri keladi.
Financial Times’ning ma’lum qilishicha, Turkiya sanoati Rossiya sanksiyalari qo‘llangunga qadar ham muammolarni boshdan kechirayotgan edi. 2015-yilning birinchi to‘qqiz oyi davomida rossiyalik sayyohlar soni 2014-yilning shu davri bilan taqqoslaganda 19 foizga qisqargan. Bu Rossiya iqtisodiyotidagi inqiroz bilan bog‘liq edi.
Izoh (0)