Rossiya fuqarosi Qirg‘izistonda yuz bergan qor ko‘chkisi ostida halok bo‘ldi

Qirg‘izistonning Issiqko‘l viloyatida sodir bo‘lgan qor ko‘chkisi ostida 35 yoshli Rossiya fuqarosi halok bo‘ldi. Bu haqda “TASS” xabar qilmoqda.

Ma’lum qilinishicha, baxtsiz hodisa Filip Yeremeyev bir guruh alpinistlar bilan tog‘dagi cho‘qqilarning biriga chiqayotganida sodir bo‘lgan. Uning jasadi yaqin kunlarda vataniga yuboriladi.

Yeremeyev uyali aloqa xizmatini ko‘rsatuvchi qirg‘iz kompaniyalarining birida tijorat direktori bo‘lib ishlagan. Sankt-Petreburgdan ishlash uchun Qirg‘izistonga kelgan.