OAV: Liviyada bo‘lib o‘tgan to‘qnashuvlar natijasida kamida sakkiz kishi halok bo‘ldi
Tripoli shahrining sharqida bir-biri bilan xusumatlashib kelgan guruhlar o‘rtasida bo‘lib o‘tgan shiddatli to‘qnashuvlar natijasida kamida sakkiz kishi qurbon bo‘ldi. Bu haqda Tunisie Numerique bergan ma’lumotlarga asosan, “TASS” xabar qilmoqda.
Ma’lum qilinishicha, halok bo‘lgan yetti nafar guruh a’zolaridan tashqari, yana bir nafar tinch aholi vakili olgan jarohatlari tufayli shifoxonada hayotdan ko‘z yumdi.
2011-yil fevral oyida boshlangan halq qo‘zg‘oloni va undan keyingi urush, mamlakat yetakchisi Muammar Qaddafiyning taxtdan tushirilishiga va qatl etilishiga sabab bo‘lib, davlatni bir-biriga qarshi bo‘lgan ikki guruhga bo‘linishiga olib keldi. Qurolli to‘qnashuvlar Tripolini egallab turgan islomiy hukumat va sharqdagi umumjahon e’tirof etgan qonuniy hukumat o‘rtasida sodir bo‘lmoqda.
